TAF/YSK-modellen fører deg i løpet av 4 år fram til både studiekompetanse og fagbrev. Under utdanninga kombinerer du arbeid i bedrift med å gå på skule. Dei første to åra har du status som elev, dei to siste er du lærling med lærekontrakt.
TAF/YSK
Er du praktisk anlagt og motivert for å arbeide med teori? Då er TAF/YSK-modellen noko for deg. TAF/YSK er for deg som er motivert og arbeidsam, og likar realfag som matte, fysikk og kjemi. Inntaket er i første omgang basert åleine på karakterar frå ungdomsskulen, så det stillast krav til karakterar på høgt nivå.
Tekniske allmenne fag (TAF/YSK) er eit samarbeid mellom Fusa vgs og lærebedrifter innan dei ulike fagområda. Dei tre første åra er du tre dagar på skulen og på jobb to dagar i veka, medan du er to dagar på skulen og tre dagar på jobb i veka det fjerde året.
Kvifor velja TAF/YSK (tekniske allmenne fag)?
- Du får eit godt grunnlag for høgare utdanning
- Du får både fagbrev og studiekompetanse, med fordjuping i realfaga matematikk, fysikk og kjemi
- Du får verdifull yrkeserfaring
- Utdanninga gjev ein unik samanheng mellom teori og praksis og gjev god innsikt i bransjen.
- Du lærer å samarbeida
- Du får løn etter gjeldande reglar
Kva kan du bli?
Med eit TAF/YSK-vitnemål i lomma står dei aller fleste dører opne for deg, og du er klar for ei høgare utdanning på høgskule eller universitet. I tillegg har du eit fagbrev som kvalifiserer for yrkeslivet. Me tilbyr fylgjande utdanningar innan TAF/YSK:Me tilbyr fylgjande utdanningar innan TAF/YSK:
Ønskjer du å arbeide med menneske og vil bidra til at dei får ein god kvardag? Ein helsefagarbeidar tar vare på menneske sitt behov for omsorg, ernæring, grunnleggjande sjukepleie og miljøarbeid. Ein helsefagarbeidar har varierte arbeidsoppgåver og kontakt med menneske i alle aldrar. Du kan mellom anna arbeide på stader som:
- Sjukehus
- Sjukeheim
- I heimen til menneske som treng helsehjelp
- I rusomsorga
Lenke til meir informasjon: Helsefagarbeidar
Liker du å vere ute og er interessert i dyr, miljø og teknologi? Å vere fagoperatør innan akvakultur betyr at du skal sikre at fisk og andre organismar som lev i vann, har best mogleg vilkår for vekst og utvikling. Du kan mellom anna jobbe på forskingsstasjonar, akvarium og oppdrettsanlegg. Vanlege oppgåver for ein fagoperatør innan akvakultur:
- daglege observasjonar i forhold til den optimale veksten, velferda og trivselen til oppdrettsorganismane
- rett fôring
- praktisering av god hygiene og sjukdomsførebyggjande tiltak
- driftsregistreringar
- daglege kontrollar av utstyr som førebyggjer rømming og driftsproblem
- drift og vedlikehald av anlegg og utstyr
Lenke til meir informasjon: Fagoperatør akvakultur
Er du interessert i maskinar, produksjonsprosessar og teknologi? På YSK mekanisk lærer du å arbeide med ulike materialar, verktøy, teknikkar og teknologi. Du kan mellom anna jobbe innan teknisk og elektromekanisk industri, skipsindustri og bilindustri. Aktuelle fagbrev:
Korleis søkje TAF/YSK:
Du må senda eigen søknad til skulen i tillegg til å søkje i VIGO. Opptaket vert gjort av bedriftene på bakgrunn av karakterar og intervju.
Elevane søkjer i VIGO innan søknadsfrist, og sender i tillegg eigen søknad til skulen med karakterar frå 1.termin her: https://skjema.vlfk.no/opplaering/person/TAF (opnar januar 2025).
- Skulen mottek standpunktkarakterar frå ungdomsskulane i månadsskiftet mai/juni.
- Skulen rangerer søkjarane etter standpunktkarakterane og sender ut liste til bedriftene over aktuelle søkjarar til intervju.
- Det er skulen som skaffar bedrifter og vi prøver å finne bedrifter nær der du bur.
Bedriftene kallar inn til intervju og avgjer kven dei ønskjer å ta inn.
- Eleven får tilbod om plass frå bedrift.
- Om eleven takkar ja, melder bedrifta tilbake til skulen kven dei har valt å ta inn som TAF/YSK-elev.
- Skulen sender melding til Inntak.
- Eleven får melding i VIGO om tilbod om plass og sender inn svar innan svarfrist.
